Reh Ker Samender Main Sameder se Juda hoon

Qatra hoon mager zerf main deriya sey bara hoon

 

Hain arz-o-sama mayre hi bikhrey hoye tukrey

Aiena hoon aur dasht-e mashiyet se gira hoon

 

Pather se derao na mujhe sung nazha doh

Sheeshey ka baden ley key chatanoan pey khara hoon

 

Akser yeh hoya hey ke khiyaloan ke ufaq main

Main shaam ke sooraj ki terha doob giya hoon

 

Khul jaoon gai k uqada-e asaan ki terha main

Ah perahan-e neesth tera bund-e qaba hoon

 

Dam layney ki mohlat mujhe ah baad-e safer dey

Pat-tah hoon abhi shaakh ki bahoon se gira hoon

 

Zinda hoon keh jeeney ka mujhey hukam mila hai

Nakerda gunhoan ki saza kaat raha hoon

 

Aya na mayessir jinhain perahun-e tahreer

Oon lufzoan ki hasrat hoon tamana hoon dua hoon

 

Tishna meyri manzil ka pata hai na thikana

Main maoja-e derya hoon keh sahra ki howa hoon

Chala tha main tu shareek-e-safer na tha koi

Lahoo lahaan sir-e rah guzer na tha koi

 

Kissi aseer main daikhi na jurat-e perwaaz

Khuli fizahain thien bay baal-o per na tha koi

 

Mila na sheher-e hooner main bhi koi ahel-e hooner

Thi mayre haath main dastaar sir na tha koi

 

Nishaan-e jadaa-e manzil ki joostajoo thi mujhe

Theh rahber tu sabhi hum safer na tha koi

 

Wo zindagi thi khudaya keh dasht-e bey saya

Ghamoan ki dhoop kari thi shajer na tha koi

 

Oos anjuman main sabhi sirfarosh teh Tishna

Para jo waqt tu phir waar per na tha koi

Main shoaq-e rung rung hoon khiyaal ki oomang hoon

Main subha ka piyaam hoon main shaam ki tarung hoon

 

Sipah-e khair-o sher hain saf ba saf mayrey wajood hain

Main razm-gah-e zindagi main kerbala ki jang hoon

 

Berhungi bhi choop gayie naqoosh bhi ubher gaye

Main zindagi key gism ki ajab qaba-e tang hoon

 

Bisaat-e roze-o shub pe lug rahi hain roz baziyaan

Main jeet ke bhi khoosh nahi main haar ke bhi dungh hoon

 

Na choop sakey gi qamat-e khiyaal ki berhungi

Yeh zahmet-e libaas kiyoon main zindahi ka nungh hoon

 

Hain rishta-e ana ki beeriyaan humare paoonh main

Charaagh-e shola sir hey tu main per jala patangh hoon

 

Dil-o nazer rafshaan hoaye her aik choat per

Tu zarb-e teesha-e sitam hey main fughan-e sung hoon

 

Kaheen tu chaoon zulf ki kahein tu saijh narm si

Main needh ka hoon rath-jaga main khawab-e shoakh rung hoon

 

Kamal dil-nawazian kamal dosth dariyaan

Kabhi wo phool phool hai kabhi main sung sung hoon

 

Nafs nafs meyri mahek nazer nazer mayri talab

Dahek uthey jo aarizoan peh dil ki oomang hoon

Ursa-e Husti Se Hum Nakamiyan Chuntey Rahey

Roshni botey rahey tareekiyan chuntey rahey

 

Loag moti laaye gahrey paniyoan ki godh sey

Aur hum sahil pey baithey seepiyaan chuntey rahey

 

Zindagi bher masleyhat beeni raha apna mizaaj

Umer bher undaisha-e sodoo ziyaan chunthey rahey

 

Apne aks-e zaat ko kertey rahey sheerazah bund

Aa-eena khanoosey hum perchaiyaan chuntey rahey

 

Sir phirey deryaon ki mojoan pey dala hum ne haath

Qulzum-e husti sey hum tughyaniyan chuntey rahey

 

Hum thay aur tunha-ee ka derya-aye na-paida kinara

Teyri yadoan key bha-wer sey hich-kiyaan chuntey rahey

 

Ker diya ahel howis ney daaman-e gul taar taar

Aur hum malboos-e gul ki dhuj-jiyaan chuntey rahey

Raig-e Sehra bhi, Dhoop bhi hum thay

Aik dunyia saraab ki hum thay

 

Jo khainchi thi ufaq key mathey per

Who sunheri lakeer bhi hum thay

 

Chaak daamen-e shub kiya jis ney

Sir phiri si wo roshni hum thay

 

Ik tamasha thay hum sir-e bazaar

Bazm-e khoobaan ki dilkashi hum thay

 

Jo hawaoon key taaq main bhi jaley

Un charaghoan ki Roshni hum thay

 

Chaak-e pair-rahun-e hiyaat thay hum

Apna raqs berhungi hum thay

 

Tha bahaaroan main rung o boo hum sey

Shay-her gul ki bahar bhi hum thay

 

Moja-aye zindagi ka short hay hum

Dasht-e husti ki khamoshi hum thay

 

Tha hum-hee say wo jashan-e bazm-e hiyaat

Qeryi-aye jaan ki Roshni hum thay

 

Tishna oos doar-e mai perasti main

Apna pandaar-e tashnagi hum thay

Tu qulzum tha main derya tha

Mujh ko tugh sey he milna tha

 

Main ney tera chaand sa mukhra

Apni nazroan sey chooma tha

 

Is unboohey serwer qadaan main

Tu hee tu sub sey ooncha tha

 

Mayre piyaar ka pehla jumla

Teyrey aariz per chumka tha

 

Tu ney nazrain neechi ker key

Piyaar ka jab iqraar kiya tha

 

Teri palkain bheeg chalien thein

Tera aanchal dhaluck giya tha

 

Tu mayri bahoon main aa ker

Phool ki soorat khil utha tha

 

Mayri palkoan key goshoan per

Teyrey aariz  ka gaaza tha

 

Teyey gism ki her tahni main

Mayrey saansoan ka jhoanka tha

 

Teyri zulfoan key painchoan main

Mayri palkoan ka shaana tha

 

Teyrey laboan ki bunyadoan per

Mayrey hoantoan ka mulba tha

 

Surkh ho-eein thie teyri aankhain

Dair talack main bhi jaaga tha

 

Bersoan teyre jism ka chundan

Maire pahloo main sulugta tha

 

Main ney apney piyaar ka sooraj

Teyre mathey per taanka tha

 

Apni dua-ein neem shabi main

Main ney tujh ko hee maanga tha

 

Jaan o dil sey toot key main mey

Aik tujhi ko tu chaha tha

 

Teyre saanshoan ki Khushboo sey

Meyra tun mun mahek utha tha

 

Tishna ney teyri chahat ka

Sheesh mahel tameer kiya tha

Sha-her main qatl-e aam howa tha

Main bhi shaheed daste jafa tha

 

Ay bersaat bananey waley

Main bhi bersoan ka piyasa tha

 

Baagh main phool khilaney waley

Main ney bhi hunsna chaha tha

 

Seep ko moti baksha-ney waley

Main bhi baarish ka qatra tha

 

Aye meethi naandoan key khaliq

Dair taluck main kiyoon jaga tha

 

Sach-chey khowaab dikhaney waley

Meyra sapna jhhota tha

 

Mayrey jazboan ket sehra main

Dhoop ney kiyoon daira daala tha

 

Mayri raat key neel gagan ka

Chaand bhi rasta bhool giya tha

 

Sab ko khooshiyaan baant-ney waley

Mujh ko kiyoon ghum bakhsha tha

 

Duniya ka dil rakhey waley

Tishna se kiyoon rooth giya tha

Jab tu mujh sey bicher raha tha

Phoot phoot key dil roya tha

 

Teyri palkoan per shabnam thi

Meyri aankhaon main deriya tha

 

Teyri zulfoan main afshaan thi

Mayri rah main andhaira tha

 

Dil pey qiyamat toot rahi thi

Sabr ka daman choot giya tha

 

Piyaar sey mera haath daba ker

Tu ney seeney per rakha tha

 

Jaltey hoantoan se phir tu ney

Mayrey haath ko choom liya tha

 

Mayre haat ki pusht pey sajani

Teyrey hoantoon ka naqsha tha

 

Phir main tujh se rukhsat ho ker

Jeewan rastoan main tanha tha

Unjani see her manzil thi

Soona soona her rasta tha

 

Aaj wo sab kuch yoon lugta hey

Jaiey ik sapna daikha tha

 

Qurb bhi sapna piyaar bhi sapna

Sapna bhi kaisa jhoota tha

 

Teyrey jism key sahil per bhi

Tishna qernoan ka piyasa tha

Sahil pey kohraam macha tha

Derya rasta badel raha tha

 

Waqt key haatoan sey pachum main

Soney ka ik thaal gira tha

 

Yeh kis ko aaghoosh main ley ker

Shaam ka chey-ra damak raha tha

 

Phoolaon key nazook seeney main

Kirnoan ka naiza ootaara tha

 

Shabnam key jugmag sheeshey per

Sooraj ney peth-her mara tha

 

Aye dil oos ki inti chahath

Tu ney oos main kiya daikha tha

 

Wo kaisa ahsaas tha yaarab

Jaisey kuch honey wala tha

 

Taiz bohat thi dard ki aandhi

Pet-tah pet-tah laraz raha tha

 

Dil ki tanabaintoot rahi thien

Kahima-ein jaan girney wala tha

 

Dil key sheesh mahel main Tishna

Kon yeh path-her phaink raha tha

 

Jis rat qulabo sa tere seag suji  the

Is rat dhrato pa bhot oss pare the

Koi Deewar thu na saya tha

Zindagi thi keh aik sehra tha

 

Wo mila dasht-e kawab main akser

Apney shairoon main gis ko likha tha

 

Jaan-e bazm-e hiyaat teyrey baghair

Main her ik anjuman main tunha tha

 

Phir mujhey moth bhi nahi aa-ee

Kiyoon tujhey zindagi banaya tha

 

Ayeeiney sey bhala kahan nisbat

Dil bari khamooshi sey toota tha

 

Main tha pth-jher ka berg-e awara

Tu khizaan ki hawa ka jhoanka tha

 

Mayrey shaanoan sey tu ney akhir-e shab

Apni zulfoan ko jab simta tha

 

Ik qiyamat si dil main jagi thi

Ai mahsher sa mujh pey guzra tha

 

Chaand main bhi teri shabahat thi

Phool teri mahek sey maheka tha

 

Ab sir-e bazm hai wo hasher badosh

Wo jo tunhaiyoon main khilta tha

 

Mujh ko deejay saza-aye jurm sada

Main ney qufl-e sakoot toora tha

 

Main ney he tairgi key kaimoan per

Roshnioon ka teer phainka tha 

Mataye jaan sir-e bazaar loot-wa-ney ko ji chaha

Oosi bey maher key koochey main phir janey ko ji chaha

 

Shikast-e dil ki khamooshi giraan kuch is qadr guzri

Dookaan-e sheesha ger pey sungh baresney ko ji chaha

 

Kahien ka bhi na rakha tunda-ee ahsaas ney mujh ko

Mera her phool ke humra moorjhaney ko ji chaha

 

Yeh anrohey faroogh-e aagahi bhi ik qiyamat hey

Hazaroan baar is jeeney sey mer janey ko ji chaha

 

Hajoom-e yaas ney jab ashk bhi choarey na aankhoan main

Lab-e gul per hunsi bun ker bikher janey ko ji chaha

 

Fiza-ain chup herassan shehr galiyaan dum-ba-chood Tishna

Mera sung sada aisey main  berasney ko ji chaha

Tujh ko apna sumjha tha

Main kaisa diwana tha

 

Main tha rait kinaroan ki

Tu ik cherta darya tha

 

Sahraoan ki piyaas tha main

Tu sawan ki berkha tha

 

Dasht-e bala kid hoop tha main

Tu nazroan ka dhoka tha

 

Main tha berg-e awara

Tu purwa ka jhoanka tha

 

Tujh ko khowaab main daikh key main

Gahri needh sey choanka tha

 

Main ney tujh ko yoon daika

Jaisey ik sapna tha

 

Main ney apni ghazloan main

Teyra roop sajaya tha

 

Rahil-e mohabat per rakh ker

Paher-roan tujh ko perhta tha

 

Lafzoan key pey-rahun sey

Main ney tujh ko dhaanmpa tha

 

Meyri fikr ki masnadh per

Ik tu hee tu baitha tha

 

Main khudh sey bhi rooth giya

Thujhey manaey aaya tha

 

Duniya chaaoan main baithi thi

Main ney pair lagaya tha

 

Mayre gism key sahra per

Teyre piyaar ka saya tha

 

Teyri zulf ki chaoan main

Tishna chain sey soya tha

Hum ko bana diya hai zamaney ney khud-pasand

Kertey hain apney aap main tujh ko talash hum

 

Kaandha na dey saka humain yeh shahr-e ashnaan

Tunha ootha-aye phirte rahey apni laash hum

 

Lay jaye daikhey kahan yeh sir-sir-e hiyaat

Kis dasht main na janey rakhain bo-do-bash hum

 

Sheeshey ka jism oorh key nikal-ey thay shahr main

Ab kiya  gila kerain keh hoaye paash paash hum

 

Hei kaarobar-e zeest main hum sey hama-hami

Ay doosth nabz-e waqt ka hain ertaa-aash hum

 

Jo ho saki na waqt key merhum sey mandmil

Hain chara-e haiyaat ki aisi kharaash hum

 

Tishna humarey naam pey lugti hain bariyaan

Dast-e qumaar baaz main hain goya taash hum

Qaamath sey apney koi tu ooncha dikha-ee dey

Hum daikhtey rahey koi hum sa dikhaee dey

 

Sooraj key doobney pey yeh naqsha dikhaee dey

Pey-roan sey berh ker pairh ka saya dikhaee dey

 

Pather yeh kis nai phainka hey yadoan ki jheel main

Dhoondla sa aik aks larazta dikhaee dey

 

Dhaara hai khooshiyoon ney faraib-e nazr ka roop

Raig-e rawaan bhi piyaas main deriya dikhaee dey

 

Daikhi hai hum ney was-ath-e sahraaye zindagi

Zera bhi apney aap main duniya dikhaee dey

 

Ma-e tamaam main ho teyra per too-e-jamal

Ik roz toh yeh chaand bhi tujh sa dikhaee dey  

 

Tishna humain yeh kis ney khood ara bana diya

Her aainey main apna hee jalwa dikhaee dey

Choomey hei nazr wo lab-o rukhsaar abhi tak

Aankhoan mainhai ik lamha-e deedaar abhi tak

 

Chumki thi kabhi barq nazr khaima-e jaan per

Lerzaan ha imager roh ki diwaar abhi tak

 

Bajti hain merey kaan main ab tak teri saansain

Sunta hoon terey qurb ki jhankaar abhi tak

 

Phooloan sey kabhi aik ta-aluqh tha humara

Daman sey ulajhta hai sir-e khar abhi tak

 

Khoon-e gul wal-walla sai jo gul rung hoi thi

Hai dast-e saba main wohi talwaar abhi tak

 

Ojhal hai nighaon sai wo ik saaz mujasim

Ik moaj-e sada hai pes-e diwaar abhi tak

 

Sooraj tu sawa naizey pe aa pohuncha hai Tishna

Daikhey na magr subha kai aasaar abhi tak  

Tabish-e khoon-e shaeedaan-e wafa rahney doh

Meyrey khoonaon pey kaf-e dast-e hina rahey doh

 

Zulf sey shola-e aariz ko dhaka rahney doh

Is dahektey hoaye sooraj pey ghatah rahney doh

 

Bujh ga-ee shama-e harem gul hain kaleesa key charagh

Der-e maikhana tu is waqt khula rahney do

 

Na tumhain ishq sai nisbath na humain ghum sai feraar

Roz ka ab naiya ayhad-e wafa rahney doh

 

Ho chukey shahr-e nigaraan key derichey weraan

Koi paighaam na la-aye gi saba rahney doh

 

Koocha-e ishq main baynaam-o Nishan hai Tishna

Is ko na waqf-e adaab-e wafa rahney doh     

Waqif masluck rindana tu bun leynai doh

Hum ko khaak-e der-e maikhana tu bun laynai doh

 

Hasil-e main nahi ho sukta abhi zarf-e sifaal

Koza-e khaam ko paimaana tu bun laynai doh

 

Kub bhala hum nai pristish sai kiya hai inkaar

Apni mahfil ko sanam kahna tu bun laynai doh

 

Hum rakhain gay ghum-e khana ko dil-o jaan sai aziz

Gum-e aiyaam sai baigana tu bun laynai doh

 

Daikhna tapkey ga her halqa-e zanjeer sai khoon

Noe giraftaar ko diwana tu bun laynai doh

Herf-e izhaar hoon mai dil main uter jaoon

Soorat-e rung-e hiya rukh pe bikher ja-oon ga

 

Tu mujhey dhoondta rah jaye ga manzil manzil

Main tuh jhonka hoon dabey paoon guzer ja-oon ga

 

Doob ja-oon ga main lamhoan ke samendar main toh kiya

Qulzum-e waqt ko payaab toh ker ja-oon ga

 

Yeh musafat ke kerey koas yeh rahoan ka azaab

Dasht-e bay-saya ke ashoab se mer ja-oon ga

 

Ley urrey ga mujhey phir koi hawa ka jhoanka

Mujhey raig-e rawaan bun keh bikher ja-oon ga

Herf-e izhaar hoon mai dil main uter jaoon

Soorat-e rung-e hiya rukh pe bikher ja-oon ga

 

Tu mujhey dhoondta rah jaye ga manzil manzil

Main tuh jhonka hoon dabey paoon guzer ja-oon ga

 

Doob ja-oon ga main lamhoan ke samendar main toh kiya

Qulzum-e waqt ko payaab toh ker ja-oon ga

 

Yeh musafat ke kerey koas yeh rahoan ka azaab

Dasht-e bay-saya ke ashoab se mer ja-oon ga

 

Ley urrey ga mujhey phir koi hawa ka jhoanka

Mujhey raig-e rawaan bun keh bikher ja-oon ga

 

Aye sakoot-e shub-e ghum koi sada hulki si

Mian tuh sunatoan ki oos goonj se mer ja-oon ga

 

Kal ke khwaaboan ki hain kirchain meri aankhoan main abhi

Neendh key zakhm bherain gay tu main gher ja-oon ga

 

Shab ki aankhoan sey hoon tapka howa aansoo Tishna

Main kisi phool se aariz pe thaher ja-oon ga     

Anaar kei zakhm geraybaan kei taar taar main hoon     

Main bazm-e gul main tha ab kanj bay bahaar main hoon

 

Yahaan toh jo bhi mila ajnabi mila mujh ko

Yeh shahr kon sa hai main yeh kis diyaar main hoon

 

Bujha kei mujh ko guzr jaye ga koi jhonka

Charragh-e rah hoan hoawaon kai intazaar main hoon

 

Kabhi idher sai guzr ay nigaar-e shshr-e jamal

Tujhey khaber bhi hai main teri rahguzer main hoon

 

Meri talaash hai jis ko wo dhoondh lai mujh ko

Guloan ke rang main hoon nikhet-e bahar main hoon

 

Diya hai tana-e o amaandgi sabhi nai mujhey

Main aaney waley musafir ke intazaar main hoon

 

Ata ho-ee thi masiha ko jis ki paish rawi

Saleeb utha-aye hoye main oosi qataar main hoon

 

Khood apney gism kai merqadh main dafen hoon Tishna

Main ji raha hoon mager zeesth kai mazaar main hoon

Khoon-e dil qatel-e tamana ho ga

Ishq main daikhiye kiya kiya ho ga

 

Meyri is chaak giraybani per

Shahr main aik tamasha ho ga

 

Aye mayre khawaab ki tabeer batah

Khawaab tooh naib hi toh daikha ho ga

 

Jab kisi nai teri zulfoan main kabhi

Piyaar sai phool sajaya ho ga

 

Ashk aankhoan main bher aa gaye hoan gay

Dil main ik dard sa utha ho ga

 

Aa giya ho ga tujey mera khiyaal

Jab sitara koi tootah ho ga

 

Tha mujhi tak wo sitm meyre khiyaal

Phir koi dil na dikhaya ho ga

 

Meyra dil toorh kei Tishna oos ko

Piyaar pat-ther pey bhi aaya ho ga

Zameen pey theh jo asmaan kiya hoaye

Wo apne saarey meherbaan kiya hoaye  

 

Samenderoan main jin se aik jashen tha

Wo kishtiyaan wo baadban kiya hoaye

 

Heri bhari thien jin dum se khaitiyaan

Wo arq jabeen kisaan kiya hoaye

 

Wo kiya ho-een mohabtoan ki bastian

Makeen wo kiya hoaye makaan kiya hoaye

 

Wo jin kai dum sai thien lahoo main gerdishain

Wo sha-eraan-e khoosh  biyaan kiya hoaye

 

Kahaan ga-een shikarioan ki toliyaan

Balandiyoan kai wo machaan kiya hoaye

 

Yeh kis maqam per hiyaat aa ga-ee

Yaqeen wo kiya hoaye  gamaan kiya hoaye

 

Wo zindagi ki aan baan kiya ho-ee

Wo naam kiya hoaye Nishan kiya hoaye

 

Jala kai aaye thay jo apne baadbaan

Wo shair-e dil jahaaz-raan kiya hoaye

 

Terashtey thay manzilain jo dasht main

Wo qaafley wo saarbaan kiya hoaye

Panha-gah kai asder koi na daikh saka

Choopey hoaye thah jo khanjar koi na daikh saka

 

Lahoo lahaan tha main aur sab tamashaee

Kidher sai aaye thah pather koi na daikh saka

 

Nazer lagaaye rahey doosrey kai qaamet per

Kisi ko apney braber koi na daikh saka

 

Her aik shaks tha apni howis ka zindani

Hisaar-e zaat sai baher koi na daikh saka

 

Sabhi nai daikha berastey hoaye ghataoan ko

Hoowa hai khushk samendar koi na daikh saka

 

Sabhi sai daadh mili sir kheroee ki Tishna

Chaley jo roh pey nashter koi na daikh saka

Who jis kai haath main pather hai yaro

Wohi ik shaks mera aashna hai

 

Khafa hotey hain kiyoon ahbaab hum sai

Hamari zaat toh ik aeina hai

 

Mujhey bhi ab tunhari bay rukhi per

Mohabat ka gumaan honey laga hai

 

Tumhain bholey hoaye baitha tha laikin

Bohat yaad aaye tum jab dil dookha hai

 

Jagaoo dawer-e mahsher ko Tishna

Sawa naiza pey sooraj aa giya hai

Loot giya rahoan main rakht-e jaan bohat

Ho gaye hum bay sir-o samaah bohat

 

Rakhs tha aankoan main nangi roh ka

Thah libasoan main bhi hum uriyaan bohat

 

Kijiaye ab jaib-o damaan ka hisaab

Mosam-e wahshat ka tha ermaan bohat

 

Hum asiraan-e mohabat kai liaye

Ik teri aaghosh ka zindaan bohat

 

Dostoan nai aakhir dil rakh liya

Hum ko loot janey ka tha armaan bohat

 

Terey wadoan ka oosay hai aitebaar

Tishna Alamtab hai nadaan bohat

Yeh qulzum-e hiyaat tu payaab tha mager

Her lamha mayri fikr ko gahraee dai giya

 

Phir oos kai baad kitnai manazir nazr main aaye

Bay noor sa-aatoan ko wo bina-ee dai giya

 

Merham bersat tha jo bazahir wo aashna

Janey laga toh zakhm-e shanasa-ee dai giya

 

Kiya ghamgusaar tha keh mera haal pooch ker

Kuch aur dil ko ranj-e shakaiba-ee dai giya

 

Wo mahfiloan ki jaan tha ronaq shaboan ki tha

Jo shaks mujh ko tohfa-e tanha-ee dai giya

Nishaat-e germi bazm-e khiyaal daikhain gay

Deeaye bujha kai terey khadoh-khaal daikhain gay

 

Musafat-e lab-o aariz tamam hai tuh sahi

Tujhay bhi ay rosh mah-o saal daikhain gay

 

Bahar per gul-e dosheezgi hai wasl ki shab

Maal husn ka husn-e maal daikhain gay

Biyaaz-e hafiz-e sheeraz hair oh-e zeeba

Warq warq peh mohabat ki faal daikhain gay

 

Laraztey hotoan peh tamheed-e iltija ho gi

Hamakti aankhoan main husn-e sawaal daikhain gay

Nazool-e aaya-aye dosheezgi kai din aaye

Kitab-e ishq ka haroof-e kamal daikhain gay

 

Bara hai naaz tumhain apney aap per Tishna

Tumhain bhi hum sir-e shahr jamal daikhain gay

Jinhain bhulaney main yaro barey zamaney lagey

Jo dil dookha toh wohi loag yaad aaney lagey

 

Main jis gali sai bhi shahr-e jamal main guzra

Khiley gulaab mundairoon pey muskeraney lagey

 

Diyaar-e fikr main yadoan ki dayweeyaan uterain

Gaye dino key fasaaney barey soohaney lagey

 

Sitam yeh kam toh nahi hai keh ajnabi bun ker

Meyrey qareeb sai guzerey tu muskeraney lagey

 

Humarey chahrey peh kiya likh diya mohabat nai

Tamaam dosth hamain aaina dikhaney lagey

Bhooley bisrey khawab soohaney yaad aaye

Aaj who sarey yaar pooraney yaad aaye

 

Shahroan ki tahzeeb thi jin ki her laghzish

Woh soda-ee who diwaaney yaad aaye

 

Jhaank key daikha jab bhi dil key daaghoan main

Kaisey kaisey aaina khaney yaad aaye

 

Anjana ik shaks mila tha aaj mujhey

Sab chahrey janey pahchaney yaad aaye

 

Yaraney ki dhoop thi jin kai chahroan per

Tum sai mil ker who baiganey yaad aaye

 

Kisi sai miltey kisi ko jab daikha Tishna

Gaye dono kai sab afsaney yaad aaye

Kuch rakht-e safer bhi saath ley lo

Raste main hee raat ho gayee toh

 

Kiya ho gaye chaand wo tumharey

Ay shahr-e jamal kai derecho

 

Yeh toh nahi chahatoan ka lehja

Ik baar toh piyaar sai pookaro

 

Kiya ho ga jo aag phail nikli

Humsaaye ka gher jalaney walo

 

Bay noor ab ho chali hain subhain

Kuch sharam kero ay Roshni ferosho

 

Kab tak yeh zamien peh sajda raizi

Utho aur aasmaan ko choo lo

 

Wo bhi na rahey jo saij per they

Ghumgeen na ho lahed kai phoolo

 

Waqif hai yeh sari manziloan sai

Tishna ko bhi saath saath rakho

Teyri soorat ka yeh fasoo kab tak

Aaiena daikhta rahoon kab tak

 

Qerya qerya uri hay dard ki dhool

Shehr-e bay maher main rahoon kab tak

 

Ker liya main ney  taar taar baden

Bay libaasi bhi aye janoon kab tak

 

Zerb-e teesha -e faghaan-e sang bhi sonh

Zabt-e gham sey main kaam loon kab tak

 

Doastoe bazm-e shab naseebaan main

Roshni key liaye jaloon kab tak

 

Bazm- may teyre wastey Tishna

Aakhirsh jam-e wazhgoon kab tak

Tum hotey ya tum sa hota

Kaash koi toh apna hota

 

Piyaar ka dawa kerney walo

Mera dard bataya hota

 

Dhalti raat ki tunha-ee main

Chupkey sey toh aya hota

 

Akhir-e shab zindaan main koi

Khawaab-e giraan sey chonka hota

 

Yeh tunha-ee yeh sun-nata

Zoar sey dil hi dherka hota

 

Ruktey nahi roakney sey aansoo

Tum ney haal na poocha hota

 

Rukhsat ho ker janey waley

Mor ker bhi toh daikha hota

 

Tum maqtal main hi aa jatey

Koi toh wadah eefa hota

 

Apni needh kai rang mahel main

Meyra sapna daikha hota

 

Main nai jo kuch bhi socha hai

Daiwaroan per likha hota

 

Janey ki jaldi hi kiya thi

Tum nai Tashna roka hota

Lafz-o maani main koi rabt toh rakha hota

Jo bhi kuch tooh ney kaha main bhi samjha hota

 

Tujh peh bhi hashr-e juda-ee kabhi guzra hota

Mil key tooh bhi toh kisi shaks sey bichra hota

 

Hain kahien naok-e dashnaan kahien barish-e sung

Tooh nai is shahr ko maqtal na banaya hota

 

Zulf-o aarez ka tasawer lab-o rukhsaar kai khawab

Baad-e jana mujhe dunya ka bhi rakha hota

 

Tujh ko bhi waqt ki nabzoan ka toh hota ahsaas

Main ney jo socha tha diwaaroan peh likha hota  

 

Jis sey khoorsheed ki palkoan main nami aajati

Aariz-e gul peh Shabnam ka wo qatra hota

 

Oon charagoan key bujhaney sey rookey gin a saher

Raat rakhni hai toh sooraj ko bujhaya hota

Wo keh her ahed-e mohabat sey mukerta jaye

Dil wo zalim keh oosi shakhs peh merta jaye

 

Mayre pahloo main wo aaya bhi toh khoshboo ki terha

Main oosey jitna samaintoon wo bikherta jaaye

Khultey jayain jo terey band-e qaba zulf kai saath

Rang-e pairahun-e shab aur nikherta jaye

 

Mash-hetr  ho kai barhey aur nako nami-e ishq

Dil bhi shaista gham ho kai saanwerta jaye

 

Ishq ki bazm nigahi sai hina hoon rukhsaar

Husn wo husn jo daikhey sai nikherta jaye

 

Kiyoon na hum oos ko dil-o jaan sai chahain Tishna

Wo jo ik dushman-e jaan piyaar bhi kerta jaye

Qerya jaan ko andhairoan sey bachaye rakhna

Dil ki Qandeel hawaoan main jalaye rakhna

 

Zindagi ko kahien mil jaye na sahil ka sakoot

Tum her ik moaj main tofaan uthaye rakhna

 

Koi aye ga uthaye hoye kaandhey pey saleeb

Aaj maqtal key dard baam sajaye rakhna

 

Germi shahr-e mohabat hai oosi kai dum sai

Dil ki mahfil ko bahr rang jamaye rakhna

 

Wo mera oon sey shikayaat bhi na kerney ka khiyaal

Aur wo oon ka nighaoan ko jhookaye rakhna

 

Qaafley guzain gay bay haal idher sai yaro

Dasht-e ashoab main tum saye bichaye rakhna

 

Kuch nishani toh rahey maosam-e gul ki Tishna

Aik pat-ta toh hawaon sey bachaye rakhna

Kis ney derwaza-e ahsaas pey dastak di hai

Gumbadh-e zaat main phir aik sada goonji hai

 

Loh-e dil per mahabat sey mera naam na likh

Moja-e raigh pey tasaweer kahan rahti hai

 

Teyri awaaz khanakti hai sir-e perda-e jaan

Dasht-e dil may jers-e gul ki sada aati hai

 

Ab bhi kuch sung idher aatey hain gahey gahey

Shahr khabaan main abhi rams-e wafa baqi hai

 

Dil ko aa jaata hai sookhey hoaye pathoan ka khiyaal

Kaanp jata hoon main jab taiz howa chalti hai

 

Kiya kahain daamen-e gul chaak hoowa hai yaroo

Khaak oorati hoo-ee kiyooon moaj-e saba guzri hai

 

Naz hai mujh ko bhi aijaaz-e masihaa-ee per
main nai alfaaz main ahsaas ki jaan dali hai

 

Mayrey haatoan main hee ab sung sajain gay Tishna

Main nai hee aaina khanoan ki bna rakhi hai

Tooh phool phool rahey khoosbooan kay aanchal main

Main khaar khaar hoon aabloan kay jungle main

 

Tera baden kah teyray pairahan say chanta hai

Kah jaisey Chandni lipti ho surkh malmal main

 

Meyri sahr kai oojaley hain teyray aariz per

Meyri khooshboo ki siyahi hai kajal main

 

Hajoom-e mah washaan tha wafa kay panghat per

Badan ki piyaas bhari thi sabhi ki chaagel main

 

Aye neem shab kay musafir batah kidger jaa-ein

Choopa liya hai charaghoan ko tooh nai aanchal main

 

Her aik shaakh kai dil main hai rang-o boo ki tarap

Namoo ka zoaq hai raqsaan her aik ko napl main

 

Yeh aaj chooti hai kis kay lahoo ki mahtabi

Yeh kis nai jashn-charaghaan kiya hai maqtal main

 

Toh iss zameen main chingarioan ki fasal na boe

Oogi jo aag toh phailey gi sarey jungle main

 

Zameen ki piyaas bujhey bhi toh kis terha Tishna

Keh aik boondh bhi baqi nahi hai badal main  

Nah dosti nah mahabat nah aashnaee gaee

Hamarey saath hamari shikasta paaee gaee  

 

Wo jis ka naam qiyamat rakha hai duniya ney

Oothey gi teri gali sai ager oothaee gaee

 

Bana kai aalim-e hasti ko aaina khana

Meyri shabiha mujhe baarha dikhaee gaee

 

Kiya azl sai mujhey gumbadh-e hiyaat main bund

Wo baazgasht hoo-ee taab-e lab-e kooshaee gaee

 

Oothey hain loag baneraaz-w khoodh shanasaee

Ameer-e shahr bas ab teri paishwaee gaee

Kiya khailain derya key joher dasht main

Raith ka hai ik samander dasht main

 

Roshni bhi aag barasney lagi

Aa giya sooraj bhi sir per dasht main

 

Goolistan hai bergeroan ki chaooni

Qad nikalaingay sanober dasht main

 

Choar aaye kub ka shahr-e aashna

Koan berasta hai pather dasht main

 

Khawab kai soorat gero daikho mujhey

Mujh say hain yeh sarey manzer dasht main

 

Dairni hai yeh bagoaloan ka dhamaal

Hain saba kay aur taywer dasht main

Kaho yaro tumhain kaisa lagey hai

Wo zalim jo mujhey acha lagey hai

 

Mahiney bher main yeh mahtab loago

Bas ik doh din hee oon jaisa lagey hai

 

Jahaan bhatka tha main pahley bhi aye dil

Mujhey tooh yeh wohi rasta lagey hai

 

Qiyamat phir koi tootey gi dil per

Mujhey ik ajnabi apna lagey hai

 

Hai ibrat ko maal-e gul hi kaafi

Mujhey hunstey hoaye der sa lagey hai

 

Wo hai ik baab-e tareekh-e gulistan

Tumhainjo barg-e awara lagey hai

 

Ghazab loago mahabat aashna dil

Oosey ootra howa sheesha lagey hai

 

Khooda rakhey mera wo dushman-e jaan

Mujhey toh jaan say piyara lagey hai

 

Nah janey tum nai kiya Tishna main daikha

Humain toh koi diwana lagey hai

Is nay bhi dildari ki

Jo meyra ghumkhwar na tha

 

Mayrey qaamat sai ooncha

Koi Satoon-e daar na tha

 

Kab hum say is zindaan main

Jashn-e saleeb-o daar na tha

 

Loago hum thay sooli per

Maqtal main tahwaar na tha

 

Oos rastey per chal nikley

Jo rasta humwaar na tha

 

Bari bari dastaroon main

Aik bhi toh serdar na tha

 

Namoan ki fahristain thein

Jazjoan main eesaar na tha

 

Bazm main khoosh guftaar koi

Mahroom-e guftaar na tha

 

Mahfil thi wo yaroan ki

Shahoan ka derbar na tha

 

Hum khood apney dushman thay

Koi pas-e diwaar na tha

Patti Patti bikher gayee

Itni mahngi aik hunsi

 

Kitney dukh day jati hai

Yaad koi bholi basri

 

Jis ko chaha tha main ne

Moorat thi wo pather ki

 

Phir na kabhi daikha oos ko

Deedh ki mahfil phir na jami

 

Shaam kay dhoondlay sahil per

Mili thi hum ko ik larki

 

Nangay pa-oan wo serdi main

Thandi rait peh baithi thi

 

Badan sunhera kundan sa

Tapi ho-ee wo Chandni thi

 

Sulagh rahi hai tun mun main

Oos ki saansoan ki garmi

 

Laraz rahey thay lub oos kay

Ankhain thien bheegi bheegi

 

Maikhanoan kay bus kin ahi

Tishna teri Tishna labi

Hum tum roaz hi milte thay

Jazbey kitney sachey thay

 

Piyaar ki pahli barish main

Dair talack hum bhaigey thay

 

Jism ka jungle piyasa tha

Roh peh badal bersay thay

 

Dair taluck khamoshi sey

Dono chaand ko tucktey thay

 

Phir apni khamooshi per

Hum dono huns daitey thay

 

Tunha-ee key sahra main

Yadoan kay sunatey thay

 

Mayrey ghar kay aangan main

Kitney pathar bikheray thay

 

Ab wo mujhay lotaa daina

Jo khath tum ko likhay thay

 

Beech samandar main rah ker

Boondh boondh ko tarasay thay

 

Patah chala tabeeroan say

Jhootay sapnay daikhay thay

 

Dair taluck hum ratoan ko

Tayra rasta tuktey thay

 

Tishna jin say chashmuck thi

Who sab yaar pooraney thay  

Garmi si terey jism ki mahsoos hoi hai

Ghabra kay ka-ee baar meri aankh khooli hai

 

Aaya hai who Khursheed qaba khlowat jaan main

Yeh paira-hun-e shub kay musaknay ki ghari hai

 

Khainchay hai tasawer lab-o-khisaar kay naqshay

Daikha nahi oos ko mager awaaz suni hai

 

aa-aye hain deraichoan main nazer chaand sitarey

jiss simt say guzra hoon bari dhoom machi hai

 

aye shehr-e nigaraan ke safeer mujhey daikho

ik umer mayri Zohra jamaloan main kati hai

   

Mujh se moo  phair ke janey waley

Kiya kahain gay yeh zamaney waley

 

Too mayri soach se burh ker nikla  

Rishta-e dard nibhaney waley

 

Kiya hoaye teri gali ke who loag

Who jo thay hashr oothaney waley

 

Mujh ko bhi azn-e tabasum daita

Baagh main phool khilaney waley

 

Too mayri roh main oot-ra hota

Mayre pahloo main samaaney waley

 

Mayri duniya main andhaira kiyoon hai

Mah-o khusheed bananey waley

 

Ab nahi taab-e sama-ath mujh main

Qisa-aye dard soonaney waley

 

Aakhirash seekh liaye toh nay bhi

Sarey andaaz zamaney waley

 

Bun kay tabeer bhi aya hota

Nit naye khowaab dikhaney waley

Hawaye dard kuch aisi chali thi

Tanaab-e khaima-e jaan khainch rahi thi

 

Kissi ko maherbaan samjha tha hum nai

Woh saari khawaab ki soorath giri thi

 

Chali ab hasratain bhi shehr-e dil sai

Yah basti kitni mushkil sai basi thi

 

Jahan daikha tha ik din chaand hum nai

Who khirki aaj bhi sooni pari thi

 

Jo thi ik din moolaqatoan ki janat

Wo shahyad mayri khowaboan ki gali thi

 

Jaloos-e aashqaan nikla tha Tishna

Tamashey ko bari khaqath khari thi

Qarya-e jaan tujhey hum yaad toh aatey hoan gay

Kabhi afsaanoan ki soorat kabhi khowaboan ki terha

 

Dostoan yeh bhi mohabat ki jaza hai shayad

Hum peh her lamha guzerta hai azaaboan ki terha

 

Aa-gahi jahel-e numaish kay bohat kaam aa-ee

Hum sajaye ga-aye taqatoan main kitaboan ki terha

 

Sir-khero-ee toh muqader hai oosi ka yaro

Jo kaf-e kaar main khilta hai gulaboan ki terha

 

Wo keh jin say thi kabhi anjuman araa-ee shab

Hum sai ab miltey hain who bund kitaboan ki terha

 

Zerf her jam ka hum daikh chukey hain Tishna

Hum her ik bazm main chalkain hain sharaboan ki terha

Her aik saans peh pahra bitha diya jaye

Fiza main daam-e sima-uth bichha diya jaye

 

Yeh hook’m hai keh maqzel hoon sarey derwazey

Tamaan shehr ko zindaan bana diya jaye

 

Jo lab kusha ho koi kaat doh zabaan oos ki

Jo sir buland ho woh sir jhooka diya jaye

 

Koi charaagh sir-e shaam ho kahien roshan

Chali hai rasm keh woh gher jala diya jaye

 

Bulao phir sir-e maqtal meray raqeeboan ko

Hisaab-e qarz-e rafiqaan chuka diya jaye

 

Jo rah-zanoan say bacha la-aye thay wo naqd-e hiyaat

Banaam qerya yaraan loota diya jaye

 

Sher-er ki aag say pighla na patheroan ka wajood

Gharoor-e sang ko Tishna mita diya jaye

Misaal-e moaj-e saba hum chaman main aaye thay

Bahar bun kay teri anjuman main aaye thay

 

Goobar-e shaam-o saher tha humarey chahre per

Hum aftaab thay laikin gahen main aaye thay

 

Shikasta gaam lahoo perahan rasn bay glo

Shikar ho kay ghazalaan khatan main aaye thay

 

Loota kay qaafla-e jaan banaam-e dair-o haram

Ghareeb-e shahr, diyaar-e watan main aaye thay

 

Hansa tha hum pay bhi Tishna hajoob kam nazaraan

Leeaye saleeb-e sukhan shehr fun main aaye thay

Maal subha baharaan tumhain Mubarak ho

Yeh chaak chak giraybaan tumhain Mubarak ho

 

Shikast-e goher shabnam pay roh raha hoon main

Tabasum-e gul-e khndaan tumhain Mubarak ho

 

Lahoo lahoo yeh ujala yeh zakham zakham charagh

Yeh jashen-e shaam-e shabastaan tumhain Mubarak ho

 

Shikast-e aaiena dil nay yeh sada dee hai

Yeh shoar-e bazm-e nigaraan tumhain Mubarak ho

 

Humarey saath hai Tashna hajoom-e dil zidgaan

Jaloos-e takht-e Sulaimaantumhain Mubarak ho

Ghazaal-e shaoq hai aawara khaten kab say

Azaab-e zeest main hai paiker-e baden kab say

 

Main jaber-e zaat kay bun main hoon kab say aablapa

Hai taar taar ana ka yeh pairahun kab say

 

Udaas chahroan peh likhi hooee hai mahroomi

Hai bay charagh diloan ki yeh anjuman kab say

 

Diya giya hai mujhe apnea ap main bun has

Diyaar-e zaat main phirta hoan bay watan say

 

Kabhi toh moaja-e aber-e karam idher bhi nazer

Taras raha hai baharoan ko yeh chaman kab say

 

Kahein hain daar ki batain kahien saleeb ka ziker

Hai dermiyaan hain hee yeh qis-sa-e rasen kab say

 

Main apni fiker kay zindaan main qaid hoon Tishna

Hai band-e tooqh-o slasel meyra sookhn kab say

Erada jab bhi kerta hoon safer ka

Khiyaal aata hai tayri rahguzer ka

 

Na thara-aye say thara shehr-e dil main

Woh baasi tha ha jaaney kis nager ka

 

Koi sooraj muqabil aa giya hai

Shajr sai barh giya saaya shajr ka

 

Oosi janib rawaan hai shehr saara

Yeh-hee rasta hai shayed tayrey ghar ka

 

Na tah hum say howa jo zindagi bher

Wo sara faasla tha ik nazer ka

 

Sabhi hain ajnabi teyri gali main

Pata ab kiss say poochoon apne ghar ka

Main bhi tunha tha aur raat bhi thi

Too jo aata toh koi baat bhi thi

 

Woh nazer hum say jo kabhi na mili

Wo nazer jaan-e altafaat bhi thi

 

Aik pal main badal gayee duniya

Too batah toh koi baat bhi thi

 

Kiya qiyamat keh tayre ishq kay ssath

Mujh pay pabyndi-e hayat bhi thi

 

Tha woh jis dam shareek khoolwat-e jaan

Woh ghari shara-e kayenaat bhi thi

 

Janey kiya ho gaye wo din Tishna

Jab mohabat shareek-e zaat bhi thi